الرئيسية / منوعات / شعر عن عيد الام – اشعار وخواطر قصيرة لعيد الام – صور واشعار بمناسبة عيد الام

شعر عن عيد الام – اشعار وخواطر قصيرة لعيد الام – صور واشعار بمناسبة عيد الام

الإعلانات

شعر عن عيد الام – اشعار وخواطر قصيرة لعيد الام – صور واشعار بمناسبة عيد الام

قصيدتي زاد بعيوني جمالــــــــها ** واخذت انقي بالمعاني جزالــــــها
واكتب معانيها من الشـوق والغلا ** لامي وانا اصغر شاعر من عيالـها

كتبتها في غربتي يوم رحـــــلتي ** لما طرالي في السفر ماطرالهــــا
امي وانا بوصف لها زود حبــــــها ** وان ماحكيت لها قصديي حكى لها

أمي لها بالجوف والقــــــلب منزلة ** مكــــانة ماكل محبوب نالهــــــــا
اقرب من ظلالي وانا وسط غربتي ** وانا تراي اقرب لها من ظلالــــها

ماشافت عيوني من الـناس غيرها ** ولا خلق رب الخلايق مثالــــــــــها
أغلى بشر في جملة النــاس كلهم ** وأكرم من ايدين المزون وهمالها

اتبع رضــــاها وارتجي زود قربها ** واللي طلبته من حياتي وصالـــها
الصدق مرساها والأشواق بحرها ** والعطف واحساس الغلا راس مالها

أهيم فيها وابتــــــــسم يوم قلبها ** يسأل وأنا قلبي يجاوب سؤالها
وان طلبتني شي فزيت منـــدفع ** أموت أنا وأحمل تعبها بدالـــها

اصبر على الدنيا والاحزان والتعب ** واحمل على متني فطاحل جبالها
أسهر وأعذب راحة القلب بالـشقا ** وأعيش أعاني بس يرتاح بالــــها

تربية ابوي اللي على الطيب اذكره ** اللي وهبني للحـــــياة ومجالها
نورلي دروبي وانا طـــــفل مبتدي ** حتى تركني واحد من رجالــــها

advertisements

الوالدين اولى بالاحسان لاجلهم ** واولى بتكريم النفوس وعدالـها
اقولها وانا على الله متـــــــــــكل ** والله عليم بقديري واحتمــــالها

ياكلمة اغلى من الــــــناس كلهم ** ياشمس بقلبي بعيد زوالهـــــا
يافرحة تملي لي الكــون باكمله ** ياشجرة تكبر ويكبر ظلالهـــــــا

تضحك لي الدنـيا لي شفت زولها ** مثل السما تزهي بطلة هلالــــها
والبعد عنها ياهل الــــعرف مقدره ** لاشك ناري الزايدة باشتعالــــها

ما أعيش ببلاد ولاهي بأرضــــها ** ولا أبي عيوني كان ماهي قبالها
أرض تدوس أمي بالأقدام رملها ** أموت فيها واندفن في رمالهـــا

أمي ماهي أم كنز حنيه .. .. حنان هالكون كله منوخذ منها
محبة الام ليه تصير مخفيه .. .. محبة الام مدري ليه ندفنها

امي مهمه واهم من الاهميه .. .. ابفتخر في محبتها وابينها
كلي لها بجد من راسي لرجليه .. .. اعز من عزها واهين هاينها

لا قالت الآه كن شخص طعن فيه .. .. اجي من اقصاي فازع لاجل اطمنها
عذوربها بس طيبتها خياليه .. .. يازين عذروبها اللي مايشينها

قليل في حقها اللي قلت واشويه .. .. اكبر بواجد من اللي قلت انا عنها
دايم تردد : عسى الله يحفظك ليه .. .. تمشي وتدعي ياعساني ماخلا منها

المصدر- وكالات

 

advertisements

عن mohamad sami

مدير موقع نيو دريم ،حاصل على البكالوريس في اللغة العربية وأهتم بالصحافة والاخبار المحلية والعالمية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

DMCA.com Protection Status